Editau Octobre de 2026

[òc] Lo passatge de la Passem 2026 capvath las Lanas au mes de mai passat que coneishó ua bèra escasuda e que’ns muishè qu'avossi un vertadèr interès especiaument de las joenas generacions tà la nosta lenga gascona.

Pr'amor d'aquò, Gascon Lanas que decidí d’aviar au darrèr trimèstre de 2026 ua campanha de mobilizacion tà la lenga nosta suu tèma : « Tornar har deu gascon, ua lenga d'usatge ».

Tà mantun, aquò pòt paréisher utopic, mes pas tà nosauts qui hèm víver la lenga e la cultura gasconas, tot jorn, a noste en las Lanas e lo Baish-Ador.

Que pensam aquera lenga qu’es un element màger deu noste patrimòni culturau e de la nosta identitat pregonda e pr’amor d’aquò que la cau sauvaguardar e har vàler.

Qu’ac sabem arren ne vienerà pas deu somiu. Vertat, se l'adopcion de la lei Molac nse hasó gai, que vesem totun qu'arren n'a pas vertadèrament cambiat en l'ensenhament de l'occitan-gascon taus nostes mainatges. Péger qu’açò, pendent las darrèras duas annadas, nat navèth site d'ensenhament bilingüe n'estó pas obèrt en lo departament de las Lanas.

Alavetz, qu'aperam cadun a prene's las responsabilitats, los elegits tot prumèr, los màgers e los presidents de las comunautats de comunas e d'aglomeracions. Au cors de la mandatura navèra qui vien d'avià’s, que’us convidam a apitar ua vertadèra politica lingüistica entau gascon, transversau e duradissa, qui haci compte de la preséncia de la lenga nosta en tot maine : senhaletica, comunicacion, desvolopament territoriau e torisme, ressorsas umanas, e solide, educacion, transmission e cultura. Nosauts, que’ns tieneram a costat de tots los qui s'i vòlen har e balhar ua vertadèra legibilitat a la lenga a noste. Que demandam a totas las nostas associacions sòcias de mobilizà’s entad anar a l’endavant deus nostes elegits e de bremba’us lo corrièr cosignat per l'Associacion deus màgers de las Lanas e l'Associacion deus màgers ruraus, qui recebón en seteme.

Parièr, qu’aviam un aperet a tot locutor potenciau (Qu'èm mei de 40 000 per las Lanas) entà que’s parlin de la lenga a casa, en familha, per la carrèra, aus marcats, o a tota manifestacion publica. Que cau que la lenga nosta s'enteni mei !

E taus qui’s pensan aver perdut la capacitat de parlar gascon, que'us convidam d’escotar regularament gascon sus Ràdio Cap a Cap especiaument, qui va viste passar au DAB+, a espiar emissions en gascon sus Òc Tele o sus França 3 Occitània, a léger jornaus (lo Jornalet), revistas (País Gascons de las edicions Per Noste) e libes en lenga gascona.

Lo somiu de la nosta campanha que serà la conferéncia qui balharà sus aqueth tèma Michel Feltin Palas, jornalista a L'Express e gran especialista de las lengas ditas regionaus, dijaus lo 19 de noveme de 2026 a 18h30 a la mediatèca Philippe Labeyrie deu Mont, dens l’encastre de l'Autonada de 2026 organizada peus amics de l'ACPL. Que i ètz totas e tots convidat·da·s.
 

[fr] Le passage de la Passem 2026 dans les Landes en mai dernier a connu un grand succès et a montré qu’il existe un véritable intérêt notamment des jeunes générations pour notre langue gasconne.

Dans ce contexte, Gascon Lanas a décidé de lancer au cours du dernier trimestre 2026 une campagne de mobilisation en faveur de notre langue sur le thème : « Refaire du gascon, une langue d’usage ».

Cela peut paraitre utopique aux yeux de certains, mais pas pour nous qui faisons vivre notre langue et notre culture gasconnes au quotidien dans nos territoires des Landes et du Bas-Adour

Nous pensons que cette langue constitue un élément essentiel de notre patrimoine culturel et de notre identité profonde et qu’à ce titre elle mérite d’être sauvegardée et promue.

Nous savons que rien ne viendra d’en haut. En effet, si nous nous sommes réjouis de l’adoption de la loi Molac, nous voyons bien que rien n’a véritablement changé dans l’enseignement de l’occitan-gascon à nos enfants. Pire que cela, ces deux dernières années, aucun nouveau site d’enseignement bilingue n’a été ouvert dans le département des Landes.

Alors, nous appelons chacun à prendre ses responsabilités, les élus d’abord, maires et présidents des communautés de communes et d’agglomérations. Nous les invitons durant la nouvelle mandature qui vient de s’ouvrir à mettre en place une véritable politique linguistique en faveur du gascon, transverse et durable, qui prenne en compte la présence de notre langue dans tous les domaines : signalétique, communication, développement territorial et tourisme, ressources humaines, et bien sûr éducation, transmission, et culture. Pour notre part, nous serons au côté de tous ceux qui veulent agir et donner une véritable lisibilité à notre langue dans nos territoires. Nous demandons à toutes nos associations membres de se mobiliser pour aller rencontrer tous nos élus et faire écho au courrier cosigné par l’Association des Maires des Landes et l’Association des Maires Ruraux, qu’ils ont reçu courant septembre.

De même, nous lançons un appel à tous les locuteurs potentiels (Nous sommes plus de 40 000 dans les Landes) pour qu’ils développent leur usage de la langue chez eux, en famille, dans la rue, sur les marchés, ou lors de toute manifestation publique. Il faut que notre langue s’entende davantage.

Et pour tous ceux qui croient avoir perdu leur capacité à parler gascon, nous les invitons à écouter régulièrement du gascon, sur Ràdio Cap a Cap particulièrement qui va passer au DAB+ prochainement, à regarder des émissions en gascon sur Oc Tele ou sur France 3 Occitanie, à lire des journaux (lo Jornalet), des revues (País Gascons des éditions Per Noste) et des livres en langue gasconne.

Le point d’orgue de notre campagne sera la conférence que donnera sur ce thème Michel Feltin Palas, journaliste à L’Express et grand spécialiste des langues dites régionales, le jeudi 19 novembre 2026 à 18h30 à la médiathèque Philippe Labeyrie au Moun, dans la cadre de l’Autonada 2026 organisée par nos amis de l’ACPL. Vous y êtes toutes et tous invité·e·s.

Occitan·a, Gascon·a, Landés·a, parla la lenga !